Saadaasha dhawaan uu soosaartay Shirweynaha Saadaasha Cimilada ee Weyn Geeska Afrikada (GHACOF50), oo soo baxday 28 Agoost 2018, waxay tilmaameysa inay dhici karto in roobabka Deyta (Oktoobar- Diseembar) ay noqdaan caadi iyo kuwo sarreeya caadiga guud ahaan Soomaaliya. Si gaar ah, saadaashu waxay muujineysaa in qiyaastii boqolkiiba 35 ay roobabku caadiga ka sarreeyaan gudaha Gobollada Waqooyi Galbeed. Qiyaastaasu waa ka sarreysaa (40%) in kale ee dalka (Jaantuska 1). Guud ahaan, suurtogallada roobabka caadiga ah ilaa kuwa caadiga ka sarreeya waa 75 boqolkiiba dalka oo dhan. Sida laga soo xigtay xog laga helay (GHACOF50), xilliga Deyrta 2018 waxaa la rajeynayaa in ay bilawdaan wax ka hor inta caadi ah oo ay si caadi ah uga joogsadaan qaybo badan oo ka mid ah Soomaaliya balse joogsiga hore waxay u badan tahay isla gobollada waqooyi-galbeed ee dalka. Waxaa sidoo kale jira oo laga yaabaa heerkulku kordha oo ka diirran isku celceliska heerkulka caadiga ah ee Soomaaliya. Celceliska la filayo ee ka korreeya celceliska roobabka Deyrta waxaa la rajeynayaa in ay sii wanaajiyaan daaqa iyo biyaha u helitaanka xoolaha, hagaajinta xaaladda xoolaha iyo taranka iyo fududeynta sii kordhida beerashada dalagyada beeraha gudaha goobaha dalagyada lagu beerto ee Soomaaliya. Dhanka kale, roobab caadi ah ilaa caadi ka sarreeya ayaa sidoo kale laga yaabaa in ay ka da’aan qaybo ka mid ah buuraleyda sare ee Itoobiya kuwaas oo si aad ah uga qayb weyn ka qaadanaya socodka labada webi ee ugu waaweyn Soomaaliya (Jubbooyinka iyo Shabeelle). Natiijo ahaan, waxaa jiri doona khatar kordhaysa oo ah fatahaadaha webiyada Jubba iyo Shabelle. Goobaha hooseeya ee Galgaduud, Mudug, qaybo ka mid ah Nugaal iyo gobollada kale ayaa laga yaabaa inay la kulmaan fatahaado inta lagu jiro xilliga Deyrta soo socda sababtoo ah waxaa ka jira saadaasha roobab culculus. Saamaynta la filayo 1. Beeraha iyo Xoolaha Roobabka aad u kordhaya xilligii Deyrta 2018 waxaa la rajeynayaa in ay kor u qaadaan qoyaanka ciidda, taas oo fursado u abuuraysa in ay aad u kordhaan labada qayb ee dalagyada beeraha iyo koboca waxsoosaarka beeraha iyo shaqooyin ka helidda meelaha dalagyda beeraha ku tiirsan ee dalka. Celceliska la filayo oo ah mid ka badan celceliska roobabka Deyrta ayaa la rajeynayaa inuu sii wanaajiyo daaqa iyo biyo u helitaanka xoolaha taas oo sii wanaajinaysa xaalada xoolaha iyo dhalmada. 2. Deegaanka Waxaa lagugula talinayaa in la hirgeliyo tallaabooyin waxqabad oo lagu ilaaliyo ciidda si loo yareeyo xaaluf deegaameedka sababaya ciid-hallowga, boholaha dillaaca iyo nabaad guurka. Beelaha maxalliga ah waa in sidoo kale lagu dhiirrigeliyo in ay beeraan dhir deegaanka ku habboon iyo sidoo kale calafka xoolaha si loo kordhiyo dhirta iyo geedaha dhulka dedka u ah. 3. Maareynta Musiibada Marka eego roobab culus ee la saadaalinayo inay ku dhacaan dooxooyinka labada webi Jubba iyo Shabeele ee gudaha Soomaaliya iyo meelaha u dhawdhaw buuraleyda sare Itoobiya, ayaa loo badinayaa in ay sabab u noqdaan fatahaado meelaha gebiyada webiga daciifka ah iyo kuwa furan. Waxaa jira dhowr gebiyo wabiga oo furan oo khatar keeni kara xitaa xaaladaha roobabka caadiga ah. Daadad burqanaya ayaa sidoo kale laga filan karaa meelaha daadadka u nugul, ee hooseeya. Dawladda, maamullada degaanka, beelaha wabiyada iyo la-hawlgalayaasha ayaa waxaa lagula talinayaa in ay qaataan tallaabooyin yaraynaya halista fatahaada iyaga oo xiraya goobaha gebiyada webiyada furan ka hor bilawga roobabka bisha Oktoobar. 4. Khayraadka Biyaha Biyaha helitaanka, isticmaalka xoolaha iyo dadka labadaba, ayaa la filayaa inuu horumar sameeyo taas oo ah natiijada saadaasha celceliska oo ka sarreeya celceliska roobabka Deyrta. Tani waxay abuureysaa fursado ah qabsashada biyaha iyo u kaydinta isticmaalka mustaqbalka ee beelaha degaanka. Sidaa darted, beelaha waxaa lagu dhiirigelinayaa in ay kordhiyaan tallaabooyinka biyo qabsashada iyo kaydinta iyaga oo garabsanaya maamullada degaanka, xukuumadda iyo la-hawlgalayaasha.