Roobab fudud ilaa kuwo dhexdhexaad ayaa sii socday guud ahaan dalka iyo meelo badan oo gobollada koonfureed ah oo laga diiwaaniye roobab ilaa xad fiican. Roobab culculus ayaa la saadaalinayaa toddobaadka soo socda dhexdhiisa (Khariidadda 2) inay ka da’aan gobollada koonfurta iyo bartamaha Soomaaliya. Buuraleyda sare ee Itoobiya ayaa sidoo kale la filayaa in ay hesho roobab culculus inta lagu jiro toddobaadka la saadaalinayo. Iyadoo la tixgelinayo saadaasha roob-di’idda, heerarka webiga ayaa la filayaa in ay kor u kacaan oo ay ku sababaan ilaa dhammaadka toddobaadka halis fatahaado dhexdhexaad ilaa kuwo sare gudaha deegaannada dhexe iyo kuwa hoose ee Webiga Shabeelle.